SumarMacramé fyrir krakka / 18.-21. ágúst

Í sumar verður boðið uppá vikunámskeið fyrir krakka á vinnustofu Flóðs & fjöru í Bolholti 4, 2. hæð. Kennari er Hera Sigurðardóttir .

Um námskeiðið:
Á námskeiðinu læra krakkarnir að gera regnboga & lauf, vegghengi & plöntuhengi með macramé hnúta aðferðinni, auk þess að við ætlum að æfa okkur að hekla með þykkum macramé þráðum. Börnin fá að prufa sig áfram með efnið, fá kennslu í hnýtingum & hekli og leiðbeiningu með hvernig þau vilja að verkið líti út að lokum. Námskeiðinu lýkur með fjölskyldustund á lokadeginum.
Á námskeiðinu verður lagt uppúr hópefli og sjálfstyrkingu svo að öllum geti liðið vel í hópnum og auðveldara verði fyrir hópinn og einstaklingana að mynda tengsl, tjá sig og láta sköpunarflæðið njóta sín.

Í macramé eru mistök velkomin, þannig lærum við og verðum betri í því sem við erum að fást við en jafnframt er auðvelt að breyta og bæta verkið með því að halda bara áfram. Sköpun eykur vellíðan, að sjá verk verða til í þínum eigin höndum er valdeflandi og ánægjulegt fyrir fólk á öllum aldri.
Námskeiðið hentar öllum þeim krökkum sem hafa áhuga á að skapa og vinna með höndunum. Engin handavinnukunnátta þarf að vera fyrir hendi.

Nánari upplýsingar:
Námskeiðið er frá kl. 8:30-11:30, mán-fim, svo gott er að börnin hafi meðferðis létt nesti. Allt efni fyrir handavinnuna verður á staðnum. Námskeiðið fer fram á vinnustofu Flóðs & fjöru í Bolholti 4, 2. hæð, 105 Reykjavík. Aðeins er pláss fyrir 5 börn. Þetta námskeið er fyrir krakka á aldrinum 9-12 ára. Hægt er að óska eftir undanþágu varðandi aldur, hafið þá samband með tölvupósti: flodogfjara@flodogfjara.com

Verðið er 25.900 kr.
Mán. 18.08. - fim 21.08.
Tímafjöldi: 12

Um kennarann:
Hera Sigurðardóttir er með menntun í mannfræði og hagnýtri menningarmiðlun frá Háskóla Íslands. Hún hefur víðtæka reynslu af starfi með börnum en frá 2002-2015 starfaði hún hjá Reykjavíkurborg sem frístundaráðgjafi og verkefnastjóri á leikjanámskeiðum, í félagsmiðstöðvum og ungmennahúsum. Auk þess að hafa verið stundakennari í tómstunda- og félagsmálafræði við Háskóla Íslands. Hera hefur mikla reynslu af því að valdefla og leiðbeina hópum og einstaklingum og ná fram sköpunarkraftinum og leikgleðinni.