Um Flóð & fjöru

 

Ég, Hera Sigurðardóttir er eigandi Flóðs & fjöru. Þegar lífið tók óvænta stefnu eftir slys árið 2020 var þörfin fyrir að skapa og vinna með höndunum mikil. Macramé hnýtingar eru einstaklega heilandi, hamingjuaukandi og hugarróandi. 

Flóð og fjara er hannyrðastúdíó sem framleiðir vörur úr textíl með macramé hnútaaðferinni, prjóni & hekli. Í Flóð og fjöru eru haldin macramé, prjóna & hekl námskeið auk alls konar annarra föndur og handavinnunámskeiða. Námskeiðin eru haldin á vinnustofu Flóðs & fjöru í Reykjavík en einnig um allt land þegar kallið kemur. 

Flóð & fjara er staðsett í Bolholti 4, 2. hæð og þar er vinnustofan mín þar sem ég framleiði allar vörurnar og verkin mín. Þar er einnig verslurnar- og námskeiðsrýmið.

Í Flóð og fjöru eru haldin opin hannyrðakvöld og viðburði þar sem skapandi fólk kemur saman, styrkir tengslanetin, skiptist á hugmyndum og eykur þannig vellíðan með því að virkja huga, hjarta og hönd.

Flóð og fjara er samfélag fagfólks og áhugafólks um hannyrðir og skapandi vettvangur fyrir viðburði, námskeiðshald og verslun.

Í Flóð & fjöru eru mistök velkomin, þannig lærum við og verðum betri í því sem við erum að fást við en jafnframt er auðvelt að breyta og bæta verkið með því að halda bara áfram.

Sköpun eykur vellíðan, að sjá verk verða til í þínum eigin höndum er valdeflandi og ánægjulegt fyrir fólk á öllum aldri.