Krakkasmiðja / Hekl / 19. febrúar

Í vetrarfríinu verður boðið uppá stakar smiðjur fyrir krakka á vinnustofu Flóðs & fjöru á Faxatorgi - Faxafeni 10, 2. hæð. Kennari er Hera Sigurðardóttir.

Fimmtudaginn 19. febrúar kl. 9-12 

Hekl fyrir krakka - byrjendur og lengra komna

Aldur: 8-12 ára

Um smiðjuna: Krakkarnir læra að hekla og fá að prufa sig áfram með mismundandi þykka þræði og mismunandi stórar heklunálar. Þau fá leiðbeiningu og hvatningu til að nota hugmyndaflugið og skapandi flæði. 
Einstök leið til að vinna með höndunum og láta sköpunarkraftinn njóta sín.
Áhersla verður á að ná tökum á heklinu, vinna með liti og mismunandi efni. Þau sem hafa gott vald á heklinu geta fengið flóknari uppskriftir.

Nánari upplýsingar:
Smiðjan er frá kl. 9:00-12:00 fimmtudaginn 19. febrúar, gott er að börnin hafi meðferðis létta hressingu. Allt efni og verkfæri eru á staðnum og innifalið í skráningargjaldi. Smiðjan fer fram á vinnustofu Flóðs & fjöru á Faxatorgi - Faxafeni 10, 2. hæð, 108 Reykjavík. Þessi smiðja er fyrir krakka á aldrinum 8-12 ára.

Verð: 7900 kr.
Dags: 19.02.2026
Tímafjöldi: 3

Um kennarann:
Hera Sigurðardóttir er með menntun í mannfræði og hagnýtri menningarmiðlun frá Háskóla Íslands. Hún hefur víðtæka reynslu af starfi með börnum en frá 2002-2015 starfaði hún hjá Reykjavíkurborg sem frístundaráðgjafi og verkefnastjóri á leikjanámskeiðum, í félagsmiðstöðvum og ungmennahúsum. Auk þess að hafa verið stundakennari í tómstunda- og félagsmálafræði við Háskóla Íslands. Hera hefur mikla reynslu af því að valdefla og leiðbeina hópum og einstaklingum og ná fram sköpunarkraftinum og leikgleðinni.

Í Flóð & fjöru eru mistök velkomin, þannig lærum við og verðum betri í því sem við erum að fást við en jafnframt er auðvelt að breyta og bæta verkið með því að halda bara áfram. Sköpun eykur vellíðan, að sjá verk verða til í þínum eigin höndum er valdeflandi og ánægjulegt fyrir fólk á öllum aldri.
Smiðjan hentar öllum þeim krökkum á þessum aldri sem hafa áhuga á að skapa og vinna með höndunum. Engin handavinnukunnátta þarf að vera fyrir hendi

Afbókunarskilmálar á námskeið
Ef afbókað er með meira en tveggja sólarhringa fyrirvara fæst skráningagjaldið endurgreitt. Ef afbókað er innan eins sólarhrings fæst skráningagjaldið ekki endurgreitt. Alltaf velkomið að hafa samband og athuga hvort önnur dagsetning henti sé þess óskað.