Vegghengi / 15. maí

Verið velkomin á námskeið í macramé hnýtingum í stúdíói Flóðs & fjöru á Rauðarárstíg 1, miðvikudaginn 15. maí kl. 19:00-21:00 með Heru Sigurðardóttur. Öll velkomin, bæði þau sem þekkja macramé og þau sem eru að heyra um það í fyrsta sinn.

Samverustundin hefst á hlýjum tebolla og léttum inngangi um macramé og töfra handavinnunnar og allt efni verður á staðnum. Allir þátttakendur fara heim með sitt eigið vegghengi.

Verðið er 10.900 kr.

Sköpun eykur vellíðan, að sjá verk verða til í þínum eigin höndum er valdeflandi og ánægjulegt. Að leggja af stað með hugmynd og ásetning en leyfa flæði hugans, hjartans og handanna að skapa verkið og treysta því að útkoman verði sú sem hún á að vera. Þetta er frelsandi gjörningur innan ramma upphafs og endis og útkoman er þín.

Heilandi samverustund þar sem við fræðumst um það hvaðan macramé kemur, spjöllum um heilunarmátt handavinnunnar og lærum undirstöðu hnúta í macramé svo hægt sé að byrja að skapa, flæða og gera þitt eigið verk, það sem hugurinn, hjartað og hendurnar girnast.

Afbókunarskilmálar: Ef afbókað er með meira en tveggja sólarhringa fyrir vara fæst skráningagjaldið endurgreitt. Ef afbókað er innan tveggja sólarhringa fæst skráningagjaldið ekki endurgreitt en hægt erað eiga inneign hjá Flóð & fjöru að andvirði skráningagjaldsins.