Hrekkjavöku macramé smiðja fyrir krakka / 28. október

Í vetrarfríi grunnskólanna verður boðið uppá stakar smiðjur fyrir krakka í húsakynnum Flóðs & fjöru að Rauðarárstíg 1. Kennari er Hera Sigurðardóttir.

Hrekkjavöku fígúru smiðja : mán 28. október - fyrir hádegi fyrir 9-12 ára

Um námskeiðið:
Á námskeiðinu læra krakkarnir að gera skraut hrekkjavöku fígúrur með macramé hnúta aðferðinni. Börnin fá að prufa sig áfram með efnið, fá kennslu í hnýtingum og leiðbeiningu með hvernig þau vilja að verkið líti út að lokum.
Einstök leið til að vinna með höndunum og láta sköpunarflæðið njóta sín.

Nánari upplýsingar:
Smiðjan er frá kl. 9:00-12:00, mánudaginn 28. október, gott er að börnin hafi meðferðis létt nesti. Allt efni fyrir macramé vinnu verður á staðnum. Smiðjan fer fram í stúdíói Flóðs & fjöru á Rauðarárstíg 1, 105 Reykjavík. Þetta námsekið er fyrir krakka á aldrinum 9-12 ára.

Verðið er 7900 kr.
Mán. 28.10.2024
Tímafjöldi: 3

Um kennarann:
Hera Sigurðardóttir er með menntun í mannfræði og hagnýtri menningarmiðlun frá Háskóla Íslands. Hún hefur víðtæka reynslu af starfi með börnum en frá 2002-2015 starfaði hún hjá Reykjavíkurborg sem frístundaráðgjafi og verkefnastjóri á leikjanámskeiðum, í félagsmiðstöðvum og ungmennahúsum. Auk þess að hafa verið stundakennari í tómstunda- og félagsmálafræði við Háskóla Íslands. Hera hefur mikla reynslu af því að valdefla og leiðbeina hópum og einstaklingum og ná fram sköpunarkraftinum og leikgleðinni.

Í macramé eru mistök velkomin, þannig lærum við og verðum betri í því sem við erum að fást við en jafnframt er auðvelt að breyta og bæta verkið með því að halda bara áfram. Sköpun eykur vellíðan, að sjá verk verða til í þínum eigin höndum er valdeflandi og ánægjulegt fyrir fólk á öllum aldri.
Smiðjan hentar öllum þeim krökkum á þessum aldri sem hafa áhuga á að skapa og vinna með höndunum. Engin handavinnukunnátta þarf að vera fyrir hendi